Qaar ka mid ah wargesyada Ingiriiska ayaa qoreen in naadiga Man City qorshaha ku darsatay sidii ay gacanta ugu soo dhigi laheyd daafaca garabka midig Hector Bellerin.
Xidigaan xulka Spain ka tirsan waxaa taageero weyn u ah macalin Pep Guardiola oo doonayo inuu xagaagan lasoo saxiixdo kana cayaarsiiyo garabka midig.
Balse Arsenal ayaa arinkaan uga carootay madaama Hector Bellerin uu qandaraas dheer kula jiro Gunners-ka sidoo kalena kusoo baxay laacib muhiim u ah.
Arsenal ayaa digiin u dirtay masuulka Man City suuqa cayaartooyda u qaabilsan Txiki Begiristain oo la sheegay inuu fariin u diray Hector Bellerin.
Arsenal waxay Bellerin bishii April ka balan qaaday in mushaarkiisa sare loo qaadi doono kadib markii uu bandhig wacan la yimid laakiin Man City ayaaba haatan xidigan u dirtay fariin ay ugu sheegtay in mushaar uusan waligiis ku riyoonin lagu siin doono waana sababta keentay in Arsenal arinkaan ka carooto.
Labada daafac ee Man City Bacary Sagna iyo Pablo Zabaleta waa kudo haatan sii duqoobayaan sidaa darteed macalin Pep Guardiola Hector Bellerin ayuu rabaa inuu garabka midig ee daafaca ku aamino hadii uu xagaagan xidigaan gacanta kusoo dhigo.
No Responses to “Koxd Arsenal Oo Aad Uga Carootay Koxda Man City, Kadib Marki Ay La Soo Xariiren Xiddigeda Hector Bellerin.”